Transcription
1
Monsieur, puis mes dernières lettres du IXe de ce moys
2
i’ay heu les vostres du VIIe et deux du XIe, l’une par Spily,
3
l’autre par l’homme du receveur Lyonne avec les pièces
4
concernantz l’évocation du sieur de Montrigaud, portans quelles
5
respondre. Je vous diray comment monsieur Milon m’a asseuré
6
vous avoir escript par le moyen de Mizaut du payement
7
de vostre companie pour le cartier de juillet de l’année passée et faict entendre
8
qu’il a le tiers du moins des companies que n’en ont
9
non plus esté payées. Si vous n’aviez receu sa lettre, ie vous
10
prie le me faire entendre affin que ien aye une autre
11
de luy ; aussi tost que le capitaine Spily fut arrivé, ie parlès
12
à Monseigneur de la levée de monsieur des Adrés pour descharger
13
le pays de la despence ou par payement ou autrement.
14
Il commanda à messieurs des finances d’y aviser et le
15
XVIIIe, ie m’en fis ouyr au conseil comme ie en ay solicité
16
mesdits sieurs des finances à touttes les heures despuis, et espère
17
que bien tost il y sera pourveu et ne cesseray que Spily ne
18
soit dépêché tant cela appertient au grand bien du pays.
19
Je fus hyer ouy au conseil sur le faict de la parcelle
20
de laquelle nous sommes dépêchés pour la renvoyer bien
21
tost par monsieur Bruyet. Messieurs du pays vous pourront
22
communiquer ce que ie leur escris des petitz seaulx et quelle
23
résolution i’en ay heu du conseil et après de la royne.
24
j’ay demeuré si longuement à vous escrire et à mesdits
25
sieurs, d’autant que les affaires d’ung cout estoint remis
26
et continués au lendemain et si vous puys dire que ie n’ay
27
pas heu le loisir car tous les jours despuis ie suis party
28
de fort grand matin pour aller à madrie où il m’a
29
fallu consommer tout le iour puis revenir en ceste
30
ville. Puis que la parcelle est dépêchée, j’espère avoir
31
loisir de vous escrire fort souvent ainsi que ie voy monsieur
32
que vous le désirés.
33
Monsieur, je prie Dieu qui vous conserve très longue
34
et heureuse vie. De Paris, ce XXIIe juin 1572.
35
vostre très humble serviteur
36
S. de Boczosel
37
Je ne puis faire response à monsieur de La Coste
38
sur mon affaire où il luy a pleu s’employer
39
que je ne voye qu’ung qui me recherche pour le mesme
40
faict voudra dire. Voz escholiers se portent bien.
41
Les Anglois sont partis de ce jour pour leur
42
retour. Monsieur de Montmorency est encore
43
en Angleterre, d’où il ne partira que le courier
44
qui arriva hyer de sa part n’y soit de
45
retour.